Time Shayari Part - 1

No. 1

થીજી ગયું છે એય પણ તારા અભાવમાં;
લોહી હવે વ્હેતું નથી એકેય ઘાવમાં.

કાંઠાઓ રોઈ રોઈને જળને પૂછી રહ્યા ઃ
ભૂલી ગયું છે કોણ આ પગલાં તળાવમાં?

બત્રીસ ગુણની લાગણીનો ભોગ દઈ દીધો,
છલકાયું ત્યારે નીર આ આંખોની વાવમાં.

મંદિર વચોવચ એક માણસની થઈ કતલ,
ઈશ્વર છતાં આવ્યો નહીં એના બચાવમાં.

‘અમિત’ અરીસો આટલું કહીને ફૂટી ગયો,
મારાપણાની છે ઊણપ મારા સ્વભાવમાં.

--------------------------------------------------------------

No. 2

અરે! જરા થોભો સખે હજુ સવાર બાકી છે;
કીધું ના કશું એક વિચાર બાકી છે.
જિંદગી જેણે માણી નથી તેને કંઈ કહેવું ઘટે;
શરમિંદા ના થાઓ હજુ સાર બાકી છે.
લાચાર થઇ કહું સમજો તો સારું છે;
ભોકશોમાં આ શસ્ત્ર હજુ ધાર બાકી છે.
પ્રેમની પળોજણ માં પડવું કંઈ સામર્થ્ય હશે જિંદગીનું;
મહોબત પછી પણ હજુ ઇતબાર બાકી છે.
ફંફોળ્યો સમંદર તુજ પામવા “દિલદાઝ”;
છેડી લઉં સરગમ હજુ સિતાર બાકી છે:

--------------------------------------------------------------

No. 3

કફન ના ફેંકો મારા ચેહરા પર,
મને આદત છે હસવાની ,
ના દફ્નાઓ મારી લાસને હજુ,
મને આશા છે તેની આવવાની ……

--------------------------------------------------------------